കേരള യൂണിവേഴ്സിറ്റി ഓഫ് ഹെൽത്ത് സയൻസസ് തൃശൂർ ജൂൺ 5 പരിസ്ഥിതി ദിനത്തിന്ടെ ഭാഗമായി, ജീവനക്കാരുടെ സാംസ്‌കാരിക സംഘടനയായ "സർഗ്ഗ"യുടെ ആഭിമുഖ്യത്തിൽ ക്യാമ്പസ്സിൽ വൃക്ഷതൈകൾ നട്ടുകൊണ്ട് ആഘോഷിച്ചു. സർവകലാശാല റെജിസ്ട്രാർ ഡോ. ഗോപകുമാർ എസ് ന്റെ അദ്ധ്യക്ഷതയിൽ ചേർന്ന ചടങ്ങിൽ വൈസ് ചാൻസലർ ഡോ: മോഹനൻ കുന്നുമ്മൽ വൃക്ഷതൈ നട്ട് ഉത്‌ഘാടനം നിർവഹിക്കുകയും, കേരള യൂണിവേഴ്സിറ്റി ഓഫ് ഹെൽത്ത് സയൻസസ് പ്ലാസ്റ്റിക് രഹിത ക്യാമ്പസ് ആയി പ്രഖ്യാപിക്കുകയും ചെയ്തു. സർവകലാശാല റെജിസ്ട്രാർ ഡോ. ഗോപകുമാർ എസ്, പരീക്ഷ കൺട്രോളർ ഡോ: അനിൽ കുമാർ എസ്, ഡീൻ അക്കാഡമിക് ഡോ: ബിനോജ്, ഡീൻ റിസർച്ച് ഡോ: ഷാജി, വിദ്യാർത്ഥി കാര്യ ഡീൻ ഡോ: ആശിഷ് രാജശേഖരൻ,ഫിനാൻസ് ഓഫീസർ ശ്രീ. സുധീർ, സ്റ്റാറ്റ്യൂട്ടറി ഓഫീസർമാർ, യൂണിവേഴ്സിറ്റി ജീവനക്കാർ എന്നിവർ ക്യാമ്പസ്സിന്ടെ വിവിധ ഭാഗങ്ങളിൽ വൃക്ഷതൈകൾ നട്ടു. വിദ്യാർത്ഥി കാര്യ ഡീൻ ഡോ: ആശിഷ് രാജശേഖരൻ പരിസ്ഥിതി ദിന സന്ദേശം നൽകി.